Нұрсұлтан Назарбаев «Тыраулап ұшқан тырналар» спектакліне барды

Бұл туралы ҚР Тұңғыш Президенті – Елбасының баспасөз қызметі хабарлайды.

Елбасы Қазақстанның халық әртісі, театр және кино режиссері Талғат Теменовтің Валентин Ежовтың пьесасы бойынша сахналанған «Тыраулап ұшқан тырналар» қойылымын тамашалады.

Спектакль Қ. Қуанышбаев атындағы Мемлекеттік академиялық қазақ музыкалық драма театрының сахнасында қойылды.

Драмалық қойылым соңында Нұрсұлтан Назарбаев театрдың шығармашылық ұжымы мен көрермен алдында сөз сөйледі.

«Қазақ театры жұмыс істеген жылдар бойы мықты ұжым қалыптасты. Келесі жылы жазда жаңа ғимаратқа көшесіздер. Оң жағалаудағы "Мыңжылдық аллеясы" аумағында театр салып жатырмыз. Онда 650 және 200 орындық екі зал болады. Бүгінгі спектакль маған ұнады. Мен барлық өнер иелеріне керемет қойылым үшін алғыс айтамын», — деді Қазақстанның Тұңғыш Президенті.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу